عمرو اديب يهاجم محمد رمضان :” لو مش متربي انا هعرف اربيك “
أعلن الإعلامي المصري عمرو أديب أنه كلف محاميه برفع قضية ضد محمد رمضان لإساءته له، واكد أن التعويضات التي سيحصل عليها من رمضان سيخصصها لإحدى المستشفيات.
وقال: “أي فلوس هخدها من محمد رمضان ساتبرع بها لمستشفى الأطفال في أبوالريش حتى لو 5 مليون جنيه”.
وأضاف عمرو اديب أن “الإنسان اللي متربي نعمة، وأنت لو مش متربي في اللي يربيك، وفي ناس حظها وحش وأنها تعودت تأخذ الحياة بوشـها، وبيحسوا أنهم مسنودين”، متابعا: “معنديش مشـكلة أختلف مع حد في أي حاجة لكن لما نوصل لقلة الرباية يبقي القانون هو اللي يحكم”.
ووجه رسالة قوية لرمضان، قال فيها عمرو اديب خلال برنامجه التلفزيوني: “المتربي نعمة.. لو مش متربي في اللي ممكن يربيك”.
وأفاد، بأن محمد رمضان اعتاد أن يأخذ الحياة بالقوة، وأن لا أحد يقدر الوقوف أمامه، وتابع: “لو محدش رباك أنا هعرف أربيك، البلد دي فيها قانون يسري على الجميع”.
وتابع: “طلبت من المحامي الخاص بي رفع قضية على الفنان محمد رمضان”، مستدركا: “أنا مش من النوع اللي ياخد حقه بالتـجاوز، ويا أنا يا أنت، وهنروح للقاضي هو اللي هيقول، وقلة الأدب لا، ولو محدش رباك يا محمد يا رمضان يبقي أنا اللي هربيك”.
يذكر أن المصري محمد رمضان تعرض لهجوم شديد خلال الفترة الماضية على مواقع التواصل الاجتماعي ومن عدد من الفنانين بعدما قرر تقديم فيلم لشخصية الملك أحمس.
وشن الاعلامي المصري ،أديب هجوما عنيفا على محمد رمضان خلال الأيام الماضية بعد رد فعله على حكم قضائي ضده بدفع 6 ملايين جنيه تعويضا للطيار المفصول، أشرف أبو اليسر، حيث ظهر رمضان وهو يلقي أموالا في حمام السباحة، وعلق أديب عبر برنامجه : “الناس مش لاقية فلوس وإنت بترميها حتى لو مزيفة.. اللي فاكرينه موـسى طلع فرعون”، في إشارة إلى اسم مسلسل رمضان الجديد “موسى”.
المصدر: وكالات
By
