لقاء الفنانة المصرية | لبلبة مع الإعلامي محمود سعد
لبلبة: رفضت الزواج مرتين عشان قالوا “إزاى تخلى عادل إمام يحضنها”
قالت الفنانة لبلبة، إنها تزوجت مرة واحدة، و: “كان ممكن يكون فيه جواز تانى وتالث”، مضيفة خلال لقاء لها ببرنامج “باب الخلق”، على فضائية “النهار”، مع الإعلامى المصري محمود سعد: “بعد ما حدث انفصال منحت كل روحى للفن ومضت السنين بسرعة، واتنين حبونى وكانوا عاوزين يتجوزوني ولكن ما بيحبوش الفن، وقالوا: إزاى تتصور وتخلى عادل إمام يحضنها، قلت لا لازم يتذوقوا الفن، وأنا أخوتى مش فنانين لكن بيتذوقوا الفن”.
وتابعت حديثها : “كنت بحب اللى طلبنى يتجوزنى، وكنت بحب نتجوز لكن قررت أنه زى القطر، قطر رايح وقطر جاى، وكل واحد على سكته، تمنيت له السعادة وقلت له يا ريت تروح تعمل أسرة لأنى بحب الفن”، واضافت: “الفن يسرق عمرك بس متحسش وتبقى مبسوط، وأنا مبسوطة وعمرى ما ندمت”.
واكملت حديثها “الفن هو حياتها، مؤكد ومش شقيانة، لأنى بستمتع لأنى أنا والجمهور حاجة واحدة، وجمهورى ربانى وأنا كبرت مع أولاده، ومش بحب أكون نجمة، وأنا اتعودت أشوف حد في الصالة يتفرج أفضل وراه لحد ما أضحكه”.
المصدر| برنامج باب الخلق
هذا الموقع يستخدم ملفات تعريف الارتباط الكوكيز.
